Administrazio publikoa

Basque Cybsersecurity Centreren helburua euskal administrazio publikoaren segurtasuna babestea da, eta, horretarako, zibersegurtasunaren maila handitzen laguntzen duten hainbat zerbitzu ditugu kanpoko mehatxuen aurrean.

Zentro honen helburu nagusietako bat sistemetan gorabeherak zaintzeko eta detektatzeko gaitasunak hobetzea da, balizko edozein erasoren aurrean erreakzionatzeko eta erantzuteko gaitasuna optimizatzeko eta, azken batean, euskal gizartean zibersegurtasunaren kultura garatzeko.

Era berean, ahuleziak aurkitzen dituztenen eta fabrikatzaileen arteko komunikazioa errazten dugu, komunikazio arin eta zintzoaren bidez dibulgazio arduratsua sustatuz.

Administrazio publikoa kontzientziatzeko eta hezteko jardunaldiak eskaintzen ditugu

Zibersegurtasun-gertakariei aurrea hartu eta erantzuteko gaitasuna hobetzeko helburua duten heziketa-jarduerak diseinatu eta eskaintzen ditugu. Kontzientziatutako eta trebatutako administrazioa zibersegurtasunak dakartzan erronkei aurre egiteko oinarria da.

Gainera, berritasun guztiak dituen gune bat dugu, non benetako egoeretan oinarritutako ariketak egin daitezkeen, edozein gertakizun-motatarako ondo prestatuta egoteko.

Monitorizazioa eta autokontzientzia, prebentziorako bitartekoak

Gure ekosistemaren beharretara egokituko den adimen-eredua garatzeko lanean dihardugu; hala, Euskadiko herritarrak zein enpresak arriskuan jar ditzaketen mehatxuak identifikatu eta apaltzeko neurriak hartu ahal izango ditugu.

• IP helbideratzea: Euskadiren IP helbideratzea monitorizatzen dugu, zibersegurtasun-intzidente bihur litezkeen arriskuak identifikatzeko.
• Erakundeen ikusgaitasun-eremua: RIS3ren parte diren edo Euskadiren ekonomia-garapenerako interesgarriak diren enpresen eta erakunde publikoen ikusgaitasun-eremua monitorizatzen dugu.
• WEB pen-testing etengabea: : entitate publikoen webguneak aztertzen ditugu balizko hutsen bila.