Cookien konfigurazioa

Cookie teknikoak

Aktiboak
Ikusi Cookiak

Erabiltzaileari web-orriaren bidez nabigatzeko eta bertan dauden aukerak edo zerbitzuak erabiltzeko aukera ematen diotenak dira, editoreak web-orriaren kudeaketa eta operatiboa ahalbidetzeko eta haren funtzioak eta zerbitzuak gaitzeko erabiltzen dituenak barne.

Cookie analitikoak

Ez aktiboak
Ikusi Cookiak

Webgunearen erabiltzaileen portaeraren jarraipena eta azterketa egiteko aukera ematen diote horien arduradunari. Cookie mota horien bidez bildutako informazioa webgunearen jarduera neurtzeko erabiltzen da, zerbitzuaren erabiltzaileek egiten dituzten erabilera-datuen analisiaren arabera hobekuntzak sartzeko

COOKIE OHARRA

SPRIren jabetzako web orri honek bere cookieak eta hirugarrengoenak erabiltzen ditu nabigatzea ahalbidetzeko, informazio estatistikoa osatzeko, zure nabigazio-ohiturak aztertzeko eta horien araberako publizitatea zuri igortzeko xedez. Cookie guztien erabilera baimentzeko, Onartu aukeran klik egin dezakezu; bestela, zein cookie-mota onartu eta zeini uko egingo diozun hauta dezakezu Cookieak Konfiguratu aukeraren bitartez. Halaber, informazio gehiago jaso dezakezu gure Cookie Politikan.Cookieak KonfiguratuOnartu

Basque Cyber Security Centre - Zibersegurtasun Euskal Zentroa

Lanbide heziketako sailburuordetzak, bcsc-ren lankidetzarekin, "zibersegurtasuna teleheziketan" jardunaldiak antolatu ditu

Uztailaren 13ko astean, Teknologiaren eta Ikaskuntza Aurreratuen Zuzendaritzak, Basque Cybersecurity Centre-ren lankidetzarekin, "Zibersegurtasuna teleheziketan" izeneko kontzientziazio-jardunaldiak antolatu zituen. Lanbide Heziketako Sailburuordetzak jarri zituen martxan jardunaldiok, digitalizatzeak dakartzan erronkei erantzuteko sentiberatasunak eta konpromisoak bultzatuta, eta ikasleen trebakuntza eta espezializazioa sustatu beharraren jakitun, etengabe aldatzen den eta gero eta zorrotzagoa den merkatuan.

Como parte del proceso de formación continua a los docentes de los centros de formación de Euskadi, la Viceconsejería de Formación Profesional organizó un total de 6 sesiones orientadas a mostrar los riesgos que suelen ir asociados a su tarea actual, en concreto a la formación a distancia, y a mostrar las medidas que deben implementar para mitigar el riesgo y prevenir sufrir cualquier incidente de ciberseguridad.

Euskadiko heziketa-zentroetako irakasleak etengabe trebatzeko prozesuaren barruan, Lanbide Heziketako Sailburuordetzak 6 saio antolatu zituen guztira, haien gaur egungo zereginari, eta zehazkiago, urrutiko heziketari lotutako arriskuak erakusteko, eta arrisku hori gutxitzeko eta zibersegurtasuneko intzidenteak prebenitzeko asmoz.

Teknologia modu seguruan erabiltzea lortzeko jarraibideak ematea zen saio horien helburua, COVID-19 pandemiaren ondoriozko konfinamenduan izandako bizipenak are garrantzitsuago bihurtu duena. Jardunaldiok, era berean, gizarte seguruagoa sustatzeko balio dute, irakasleek aukera baitute ikasleekin egunero jasotako ezagutzak aplikatzeko, eta internet eta teknologia berriak erabiltzeko orduan zibersegurtasunaren eta erantzukizunaren kultura transmititzeko haiei.    

Lanbide Heziketako Sailburuordetzak apustu handia egin du hezkuntzan dauden arriskuen gaineko kontzientziazioa zabaltzeko   

Gaur egungo egoeran, heziketaren funtzionamendu-moldeak aldatzera behartu zuen derrigorrezko konfinamendu baten ostean, eta ikasle-irakasleak fisikoki aldenduta daudela, nahitaezkoa da maila guztietan, eta bereziki hezkuntzan, informazioa ematen eta jasotzen den era aldatzea. 

Lanbide Heziketako Sailburuordetzak egoera berrira azkar eta eraginkortasunez egokitzeko beharra atzeman zuen, teknologiaren erabilera areagotzeak handitu egiten baititu zibermehatxuen arriskua eta zibersegurtasun-intzidentzia bat jasateko aukerak. 

Jardunaldi horiei esker, Euskadiko LHko hezkuntza-sarean diharduten irakasleek gaitasun handiagoa dute beren lana egiteko, jakin baitakite zein neurri izan behar dituzten gogoan: 

  • Ezinbestekoa da plataformak eta gailuak konfiguratzea datuak babesgabe ez uzteko. Batez ere terminalak norberarenak direnean, BYOD (Bring Your Own Device) izenekoak, eta enpresaren edo ikastetxearen kontrolpean ez daudenak. 
  • Pasahitzak modu seguruan erabiltzen ikasi beharra dago, sendoak izan daitezen, eta ez daitezen errepika une desberdinetan eta zerbitzu edo aplikazio desberdinetarako.     
  • Hodeia behar bezala kudeatuz ustekabe asko saihestu ditzakegu. 
  • Informazioa era seguruan partekatzea funtsezkoa da, eta ondorioz kablerik gabeko konexioak, puntuz puntuko zifratzeak, VPNen erabilera... berrikusi behar dira betiere.   
  • Segurtasun-kopiak lagun handiak dira, eta aldiro egiteko ohitura hartu beharra dago, are gehiago informazio garrantzitsua sortu edo jaso bada. 
  • Phishing-aren aurrean arreta handiz ibili beharra dago. Helbide susmagarri edo ezezagunetatik heldu zaizkigun estekak ez dira ireki behar, eta ez da elkarrekintzarik egin behar bide beretik jasotako multimedia-edukiekin. 
  • Gailua eguneratuta eduki behar da beti, eta babes-sistemak erabili behar dira oro har, hala nola antibirusa eta suebakia, hori baita modurik onena segurtasunean hutsik edo sisteman zulorik ez dagoela ziurtatzeko.  

Jardunaldietan ateratako ondorioak argiak dira, eta Sailburuordetzak horiek azpimarratu eta zibersegurtasuna gizartearen eremu guztietara iristen den zehar-lerroa dela adierazi nahi du. Profesional berrien trebakuntzan diharduten kolektibo guztiak kontzientziatzea garrantzitsua da, eta LHko irakasleak dira gogoan hartu beharreko taldeen artean garrantzitsuenetakoa, haien lana erabakigarria baita profesional horiek lan-merkatura ateratzeko. 

Teknologiaren eta Ikaskuntza Aurreratuen Zuzendaritzak, BCSCren lankidetzarekin, LHko irakasleei zuzendutako 6 saio antolatu ditu, beren lana segurtasunez egin ahal izateko behar dituzten ezaupideak emateko helburuz.

COVID-19ak irakaskuntza-moldeak egokitzera behartu du, eta zibersegurtasunaren ikuspuntutik aztertu beharreko teknologiak erabiltzen hastea eragin du.

Funtsezkoa da irakasleei beren jarduera gauzatu ahal izateko behar dituzten lanabesak ematea eta, hortaz, gizarte ziberseguruagoa eraikitzen laguntzea.

Agian interesatzen zaizu