BCSCri buruz | BCSC - Zibersegurtasun Euskal Zentroa

Basque Cyber Security Centre - Zibersegurtasun Euskal Zentroa

Zer da

“Basque Cybersecurity Centre” izenaren akronimoa da BCSC. Gure egitekoa zera da: euskal gizartean zibersegurtasunaren kultura sustatu eta garatzea, zibersegurtasunaren aplikazioarekin erlazionatutako jarduera ekonomikoa dinamizatzea eta sektore profesionala sendotzea.

Eusko Jaurlaritzak zibersegurtasun arloan enpresekiko eta herritarrekiko hartutako konpromisoa irudikatzen duen zeharkako proiektu bat gara.

Basque Cybersecurity Centre zentroa honako eragileek osatzen dute:

Eusko Jaurlaritza – Sailak: Garapen Ekonomikoa eta Azpiegiturak Segurtasuna Gobernantza Publikoa eta Autogobernua Hezkuntza Zentro teknologikoak: Tecnalia Vicomtech Ikerlan Basque Center for Applied Mathematics

Zibersegurtasun arloan aurrera egitearen garrantziaZibersegurtasuna aplikatzearekin erlazionatutako jarduera ekonomikoa dinamizatzeak sektore profesionala sendotzen lagunduko digu. Horrela, euskal gizartean zibersegurtasunaren kultura sustatu eta garatzea lortuko dugu.

Gure asmoa zera da, topagune bihurtzea eta lankidetza-ekimenak lideratzea, Euskadi erreferente bat izan dadin industria arloan, zibersegurtasunerako teknologiak aplikatzeko lanean.

Erronka horiei aurre egiteko, eta Euskadiren segurtasunaren esparruan egon daitezkeen gorabeherei erantzuna emateko xedez, zientzia, teknologia eta berrikuntzaren eremuetako eragileekin lan egiten dugu, baita Eusko Jaurlaritzaren barneko eragile publiko garrantzitsuekin ere, hala nola Ertzaintza, EJIE eta Hezkuntza Saila. Euskal Administrazio Publikoaren beste eragile garrantzitsu batzuekin ere lan egiten dugu, hala nola Izenpe, AVPD edo informatikako enpresa publikoak, baita Euskadin lan egiten duten profesionalen, enpresarien eta herritarren elkarteekin ere.

Bestelako kolaboratzaileak:

Zibersegurtasunaren euskal industriako hainbat eragilerekin lan egiten dugu.
European Cyber Security Organisation (ECSO) izeneko elkarteko kideak gara eta hainbat lan-taldetan parte hartzen dugu.
Zibersegurtasuneko Institutu Nazionalarekin (INCIBE) eta INCIBE-CERTarekin, ere badugu harremana, batez ere zibersegurtasun arloko gertakarien kudeaketan.
Euskadin zibersegurtasuna sustatzeko lanean sakondu nahi duten irabazi asmorik gabeko elkarte batzuekin ere lan egiten dugu (Euskadikoak, estatu mailakoak edota nazioartekoak ere).

Gure zerbitzuak:
CSIRT Zibersegurtasun arloko gertakarien kudeaketa. Zibersegurtasun arloko gertakari baten aurrean aholkularitza eta laguntza ematea, telefonoaren edo helbide hauen bidez: / Ahultasunen kudeaketa.Ahultasunak atzematen dituzten pertsonen eta fabrikatzaileen arteko komunikazioa bideratuko dugu; horrela, komunikazio erraz eta zintzo baten bidez funtzionatzea lortuko dugu, bidezkoena den moduan. Malware analisia.Malware analisia burutu eta horiek antzeman, ezabatu eta horien aurrean babesteko estrategiak garatzen ditugu. Abisuak argitaratzea.Informazio praktiko eta garrantzitsua, sistema teknologikoetan segurtasun-ahultasunak arindu eta konpontzeko. Alerta goiztiarra: Alertak argitaratzea.Mehatxu eta arrisku handien inguruko informazioa. Informazioaren zabalkuntza.Zibersegurtasun arloko praktika onen gidak eta txostenak egiten ditugu. Zibermehatxuei aurre egiteko informazioa partekatzea.Gertakarien aurrean erantzuna ematen duten beste talde batzuekin, fabrikatzaile eta internet zerbitzuen hornitzaile eta kolaboratzaileekin mehatxuen inguruko informazioa partekatzen dugu. Gaikuntza.
Profesionalentzat.
Zibersegurtasunaren arloan ikaskuntza sustatzeko tailer eta jardunaldiak burutzen ditugu, www.spri.eus/euskadinnova atariaren bidez. Kontzientziazioa.
Adingabeentzako.
Jardunaldiak egiten ditugu, teknologia berrien erabilera okerraren ondoriozko arriskuez ohartarazteko eta horiek nola saihestu ikasteko.
Industria eremuko enpresa eta elkarteentzako.
Jardunaldiak antolatzen ditugu euskal gizarte osoari ikusarazteko oso garrantzitsua dela beharrezko neurriak hartzea zibersegurtasunaren arloan, nazioarteko merkatuetan lehiakortasuna eta berrikuntza maila egokiak mantentzeko.

Gure zerbitzuak:
Balio erantsia Euskal sare publikoen monitorizazioa. Euskadiko herritarrak zein enpresak arriskuan jar ditzaketen zibermehatxuak arintzeko neurriak identifikatu eta hartzen ditugu. Ertzaintzarekin lan egitea.Ziberdelituak atzeman eta Instalazio Sentikorren babesa hobetzeko moduen garapenean lan egiten dugu. Laguntzen sustapena.Industria eremuetan zibersegurtasun-prozesuak ezartzeko bideak errazten ditugu. Euskal eragileen sustapena.Bazkide eta eragile osagarrien bila aritzen gara, lankidetza-proiektuak burutzeko. Espezializazioa lerrokatzea. I+G+b arloko ekimenak koordinatzen ditugu. Basque Digital Innovation Hub.Azpiegiturak sortu eta enpresen zerbitzura jartzeko lan egiten dugu. Zibersegurtasun arloko Ekintzailetza babesten dugu. BIND 4.0 ekimenean lan egiten dugu, euskal startupei zibersegurtasun arloan laguntza ematen. Talentua babestu eta identifikatzea, zibersegurtasunaren bokazioari balioa emanez.Hainbat ekimen garatzeko laguntza ematen dugu, gazteen artean zibersegurtasuna garapen profesionalerako aukera gisa ikusarazteko