Cookien konfigurazioa

Cookie teknikoak

Aktiboak
Ikusi Cookiak

Erabiltzaileari web-orriaren bidez nabigatzeko eta bertan dauden aukerak edo zerbitzuak erabiltzeko aukera ematen diotenak dira, editoreak web-orriaren kudeaketa eta operatiboa ahalbidetzeko eta haren funtzioak eta zerbitzuak gaitzeko erabiltzen dituenak barne.

Cookie analitikoak

Ez aktiboak
Ikusi Cookiak

Webgunearen erabiltzaileen portaeraren jarraipena eta azterketa egiteko aukera ematen diote horien arduradunari. Cookie mota horien bidez bildutako informazioa webgunearen jarduera neurtzeko erabiltzen da, zerbitzuaren erabiltzaileek egiten dituzten erabilera-datuen analisiaren arabera hobekuntzak sartzeko

COOKIE OHARRA

SPRIren jabetzako web orri honek bere cookieak eta hirugarrengoenak erabiltzen ditu nabigatzea ahalbidetzeko, informazio estatistikoa osatzeko, zure nabigazio-ohiturak aztertzeko eta horien araberako publizitatea zuri igortzeko xedez. Cookie guztien erabilera baimentzeko, Onartu aukeran klik egin dezakezu; bestela, zein cookie-mota onartu eta zeini uko egingo diozun hauta dezakezu Cookieak Konfiguratu aukeraren bitartez. Halaber, informazio gehiago jaso dezakezu gure Cookie Politikan.Cookieak KonfiguratuOnartu

Basque Cyber Security Centre - Zibersegurtasun Euskal Zentroa

Zibersegurtasun arloko laguntzak

Abian da industria-zibersegurtasun arloko laguntzak eskatzeko 2021eko programa.

Laugarren urtez jarraian, Eusko Jaurlaritzak, SPRI Taldearen eta Zibersegurtasunaren Euskal Zentroaren bidez, industria-zibersegurtasunaren arloko laguntza programa jarri du martxan. 18.000 euro arteko diru-laguntzak emango dira, itzuli beharrik gabe, zerbitzu aurreratu eta industria arloko enpresetan zibersegurtasuna hobetzeko.

«Zibersegurtasuna» programaren asmoa zera da: Euskadiko Autonomia Erkidegoko enpresa-sarea osatzen duten enpresen ekipamendu aurreratu edota makina berrien inguruko (Hardware y Software) inbertsioak sustatzea. Helburua: eremu horiek modernizatzea, eta Fabrikazio Aurreratuaren esparruan 4.0 Industria proiektuei ekin ahal izatea.

Industria-zibersegurtasunerako 2021eko laguntza-programa

Eusko Jaurlaritzaren Garapen Ekonomiko, Iraunkortasun eta Ingurumen Sailak programa hau jarri du abian. Hasierako aurrekontua: 2.500.000 euro. Enpresa bakoitzeko 18.000 euro ere emango dira urtean, itzuli beharrik gabe. Laguntza horien bidez, gure industriaren zibersegurtasuna hobetzeaz gain, lan-merkatuaren lehiakortasuna ere hobetu nahi dugu.

Programaren xedea Industria-zibersegurtasuna hobetzea da, bereziki IT/OT (Information Technology / Operational Technology) eremuak zibererasoen aurka babesteko sistemen integrazio eta konbergentzia lantzen duten proiektuak, industria produktu-prozesuekin lotutako zerbitzu edota industria eremuko enpresetan.

Zein enpresak egin dezakete eskaera?

Industria produktu-prozesuekin lotutako zerbitzuen arloko edota industria arloko enpresak, edota industria produktu-prozesuekin lotutako zerbitzuen arloko edota industria arloko Enpresa Taldeetako kide nagusiek, betiere, Euskadin kokatuta badaude, eta aipatutako ezaugarriak betetzen badituzte. Kontuan izan behar da beren egoera ekonomikoa zein den, eta diruz lagundu daitezkeen jardueren inguruko proiektuak aurkeztu beharko dituzte. Horretaz gain, honakoak bete behar dira:

  • Industria produktu-prozesuarekin lotutako zerbitzu edo industria jardueraren zentro bat Euskadin egon behar da. Lantoki horretan izango luke eragina aurkeztutako proiektuak, eta bertan garatuko litzateke diruz lagunduko den jarduera.
  • Euskadiko Jarduera Ekonomikoen gaineko Zergari dagokion industria epigrafean agertu behar da.

Zein proiektu lagundu daitezke diruz?

Zibererasoetatik babesteko sistemen konbergentzia eta integrazioa IT/OT inguruneetarako (Information Technology/Operational Technology). Arkitektura seguruak diseinatu eta exekutatzea eta, hala badagokio, sare industrialen segmentazioa gauzatzea.

 Produkzio lantegiko ekipo industrialetarako –beharrezkoak direnak ekipoen mantenimendurako, kontrolerako eta operazioetarako– urruneko OT sarbideen sekurizazioa, lan horiek gero eta sarriago egiten direlako urrunetik.

 Informazio/datu industrialen sekurizazioa. Antolakundetik kanpoko pertsonek eginiko auditoretzak eta eraso-simulazioak, eta konpainiako datuetarako sarbide-maila desberdinak dituzten barne profilen auditoretzak.

 Produkzio lantegietako software industrialaren zibersegurtasuna ebaluatzea eta hobetzea.

 Enpresa industrialetako langileak zibersegurtasunaren inguruan kontzientziatzeko ekimenak.

 Industriak zibersegurtasun industrialaren arloan duen egoeraren diagnostikoa egitea eta ekintza plan bat prestatzea Zibersegurtasuna hobetzeko. Arrisku industriala eta ahultasun industriala aztertzea. Sistema industrial kritiko bateko elementuen inbentarioa egitea. Intrusio industrialeko test bat egitea. Ahultasunak aztertzea webeko aplikazioetan. Haririk gabeko komunikazio industrialen auditoretzak egitea.

 Zibersegurtasun industrialeko estandarretara egokitzea. Arauen eguneraketa: ISO27001, Segurtasunaren Eskema Nazionala, PIC Erregelamendua, zibersegurtasuna kudeatzeko prozesuaren etengabeko hobekuntza, eta antzekoak.

 Informazio estrategikoa edo sentikorra babesteko neurriak, hala nola jabetza intelektuala, I+G+Bko estrategiak, eraikinen planoak edo produktuen diseinuarenak, RGPDk eragindako informazioa, edo negozioaren lehiakortasunari eta jasangarritasunari zuzenean lotutako beste batzuk.

 Perimetroko segurtasun gailuak eta beste gailu industrial batzuk (Switches, zundak, Appliances, firewall industrialak, PLCak, e.a.) monitorizatzea.

 Enpresa industrialen zibersegurtasun-maila esanguratsuki hobetzeko eta gerta daitezkeen eraso-mota desberdinekiko arriskua eta ahultasuna murrizteko beste proiektu batzuk.

 

Programa honen onura jaso nahi duzu?

Lotura honen bidez,laguntza-programan sartu eta zure enpresaren izena eman dezakezu. Gainera, araudi osoa kontsulta daiteke.

Epeak

Programaren argitaratze-data: 2021/03/18

Aurkezteko azken eguna: 2021/11/26, 15:00etan. (laguntza hau argitaratu aurretik zibersegurtasun industrialeko laguntza-programan parte har dezaketen proiektu guztiek atzeraeraginezko izaera izango dute, eta maiatzaren 18a baino lehen aurkeztu beharko dira).


2020ko deialdia

2020ko deialdian, 178 euskal enpresak jaso zituzten laguntzak: 1,3 milioi euro eman ziren laguntzetan, eta 3,77 milioi euroko inbertsio pribatua egin zen. 200 proiektu aurkeztu ziren guztira. Horien % 56 Gipuzkoan daude kokatuta, % 33 Bizkaian, eta beste % 10 Araban.

 Azken deialdiko infografia honetan urteotako bilakaera laburbildu nahi dugu, modu grafikoan.


2019ko deialdia

2019ko deialdian 219 proiektu onartu ziren (112 Gipuzkoako Lurralde Historikoan gauzatu dira, 72 Bizkaian eta 35 Araban) Eusko Jaurlaritzaren 1,95 milioi euroko azken laguntza eta 4,45 milioi euroko inbertsio pribatua.


2018ko deialdia

2018ko deialdian 102 proiektu onartu ziren (56 enpresa gipuzkoar, 25 bizkaitarrak eta 21 arabarrak) 985.161 euroko azken laguntza eta 2,34 milioi euroko inbertsio pribatua.


Informazioa eskuratu

Posta elektronikoa

Agian interesatzen zaizu

Ezagutu gure eginkizuna

Gizarte seguruagoa sortzeko lan egiten dugu.

Ezagutu gure zerbitzuak

Hartzaile-mota guztientzako laguntza erabilgarri eta erreala ematen dugu, berariazko zerbitzuen bidez.