Basque Cyber Security Centre - Zibersegurtasun Euskal Zentroa

Ekintzailetza

Ekintzailetza da garapen ekonomikoaren motorra. Hala, berrikuntza, bai alor horretan eta bai Startup-en garapenean, balioan jarri beharreko faktore bereizgarri bat da, jarduera-sektore oro azkarrago garatzen laguntzen duelako. Hori dela eta, zibersegurtasunaren arloko ideia edo proiektuak garatzeko eta sustatzeko ekimenak bultzatzen ditu BCSCk, errentagarriak izan daitezen eta etorkizuna izan dezaten.

Zibersegurtasunaren merkatuan dugun esperientzian eta ezagutzan oinarrituz, aholkua ematen dugu eta sinergiak bilatzen ditugu Eusko Jaurlaritzak egun dituen zerbitzuen:

  • BIND4.0 startupen azeleraziorako programa publiko-pribatua da, Eusko Jaurlaritzak, SPRI Taldeak eta Euskadiko enpresek gidatua. Hirugarren edizioan 40 trakzio-konpainiek hartu dute parte, 32 startupetako 524 parte-hartzailek eta 4.0 industriako teknologia berrietan oinarritutako ia berrogeita hamar proiektuk, horien artean garrantzia berezia izan duelarik zibersegurtasunaren esparruak.
  • Up! Euskadi ekimenak Euskadiko ekintzaileen lehiakortasuna bermatzea du helburu, ekintzailetza horiek abiatzeko baldintza egokien ezarpenaren bidez.

Business Innovation Center

Up! Euskadi ekimenaren barne hartutako Business Innovation Center (BIC) zentroek laguntza-zerbitzuak eskaintzen dizkiete ekintzaile eta enpresei, oinarri teknologikoa duten ekimen berritzaileak sustatu eta hala haien garapena bultzatzeko. Ekintzaile horiei garapenerako aukera emango dien ekosistema bat babestu, sortu, gaitu eta osatzea da zentro horien funtzioa, eta bai negozio berri horien sortze-fasea, hazkuntza, sendotzea eta etorkizuna jorratzeko behar dituzten trebetasunak ematea.

Horrez gain, interesaturik egon litezkeen eragileen artean zabaltzen ditugu ekimen horiek. Lanean ari gara EAEko zibersegurtasunaren arloko industriarekin, EAEko zientzia-, teknologia- eta berrikuntza-sareko eragileekin, Euskadin dauden enpresa eragileekin eta Eusko Jaurlaritzako funtsezko eragile publikoekin. Beraz, egoera pribilegiatuan gaude ekimen horiek guztiak behar duten lekura bideratzeko, eboluzionatu dezaten eta bide luzea egin dezaten.

Zibersegurtasunaren arloko tokiko eskaera eta eskaintzen topagunea gara, eta lankidetzako ekimen publiko-pribatuak gidatzen ditugu maila lokalean nahiz eskualdeen artean.