Enpresak eta enpresa-taldeak

Zibersegurtasunak etengabeko erronkak ditu eta enpresek eta enpresa-elkarteek egunero egin behar diete aurre.

Euskal enpresei eta enpresa-taldeei zibersegurtasunaren eremuan dituzten beharrizanak asetzen lagundu nahi diegu. Helburu hori lortzeko diru-laguntzak sustatzen ditugu, mehatxuei buruzko informazio gaurkotua eskaintzen dugu, kontzientziazio-jardunaldiak antolatzen ditugu eta beraien arteko sinergiak eratzen ditugu.

Zibersegurtasunaren merkatuan dugun esperientzian eta ezagutzan oinarrituz, aholkua ematen dugu eta sinergiak bilatzen ditugu Eusko Jaurlaritzak egun dituen zerbitzuetan.

Zibersegurtasunerako laguntzak

Eusko Jaurlaritzak, SPRIren eta Basque Cybersecurity Centre-en bitartez, Zibersegurtasun Industrialerako laguntza-programaren beste edizio bat jarri du abian.

Aurkitu zure beharretara ondoen egokitzen den zibersegurtasun-konponbidea

Zibersegurtasun-zerbitzu bat edo ziberseguretasunaren alorrean dituzun beharrei erantzungo dien enpresa bat behar baduzu, zure eta zure enpresaren beharretara ondoen egokitzen den konponbidea aurkitzeko bilatzailea eskaintzen dizugu.

Kontzientziazio-jardunaldia

Kontzientziazio-jardunaldiak egiten ditugu enpresek dituzten zibersegurtasun-arriskurik ohikoenez informatzeko, baita ere mehatxu horietatik hobeto babesteko behar dituzten neurriak hartzea sustatzeko.

Zure enpresako langileen gaitasun teknikoa hobetzen laguntzen dizugu

Zibersegurtasunak bata bestearen ondotik dakarzkie erronkak sektoreko profesionalei. Behar bezalako gaikuntza izatea funtsezkoa da erronka horiei era egokian erantzuteko. Enpresei sostengua ematen diegu sektorean diharduten langileen gaikuntza teknikoa sustatzeko.