Herritarrak

Gizarteak beregana dezakeena baino arintasun handiagoaz egiten du aurrera teknologiak, eta horregatik funtsezkoa da herritarrek uler dezatela zer arrisku duen etengabe eboluzionatzen duen ingurune hiperlotuan bizitzeak, ingurune horrek oso agerian uzten baitu gure informazio pertsonala, eta ondorioz geure burua babesteko premia sortzen baita.

Era berean, belaunaldi berriek, aro digitalean jaiotakoek, badakite nola erabili, baina ez dira jabetzen oker erabiltzearen ondoriozko arriskuez, eta horrek arrisku-egoeran jar ditzake.

Egoera horri aurre egiteko asmoz, gizarte seguruagoa sortzen laguntzen duten hainbat ekimen jartzen ditugu abian.

Aurkitu zure beharretara ondoen egokitzen den zibersegurtasun-konponbidea

Etxean edo lantokian zibersegurtasun-arazo bat konpontzeko beharrizan espezifikoak dituzu agian. Hala bada, behar duzun laguntza eskainiko dizuten euskal enpresen katalogoa dugu.

Sektoreko profesionalen etengabeko gaikuntzarako laguntza ematen dugu

Mehatxuek etengabe eboluzionatzen dute eta ziberkriminalak uneoro daude sistemak kolokan jartzeko moduen eta beren jarduerak egiteko bideen bila. Erronka horiei aurre egiteko funtsezkoa da sektoreko profesionalak aldiro trebatzea, eta horregatik ekarpena egiten diegu hainbat ekimeni.

Interesa baduzu zibersegurtasunaren esparruan gaikuntza handiagoa lortzeko bideez, eskuratu aukera guztiei buruzko informazioa.

Gurasoa edo IGE bateko kidea baza

Zibersegurtasunaren esparruko kontzientziazio-jardunaldiak ditugu zure hezitzaile-lanean laguntzeko.

Infografiak

Erraz ikusteko moduan erakusten dizkizugu internet eta teknologia berriak erabiltzen dituzunean seguruago egoten lagunduko dizuten aholkuak eta jarraibideak.