Basque Cyber Security Centre - Zibersegurtasun Euskal Zentroa

Argitalpen data: 2018/08/27

Garrantzia: Ertaina

Kaltetutako baliabideak:

• Modicon M221, V1.6.2.0 firmwarearen aurreko bertsio guztiak.

Azalpena:

Radifloweko Yehonatan Kfir-ek Schneider Electric-i eman dio Modicon M221 produktuei eragiten dien ahultasun baten berri, salbuespenezko edo ezohiko baldintzen egiaztapen ezegoki bat alegia. Urruneko erasotzaile batek kaltetutako gailuak berrabiaraz litzake.

Konponbidea:

Schneider Electricek partxe bat garatu du ahultasun honetarako, eta firmwarearen V1.6.2.0 bertsioan sartu du, SoMachine Basic V1.6 SP2rekin banatzen dena. Ondoko loturatik jaits daiteke: https://www.schneider-electric.com/en/download/document/SoMachineBasicV1.6SP2/

Xehetasuna:

Urruneko erasotzaile batek gaizki sortutako programazio protokoloen tramak bidal litzake, kaltetutako gailuak berrabiaraztea eragin lezaketenak, salbuespeneko edo ezohiko baldintzen egiaztapen ezegoki baten ondorioz. Ahultasun horretarako CVE-2018-7789 identifikatzailea erreserbatu da.

Etiketak: Eguneraketa, Schneider Electric, Ahultasuna