Basque Cyber Security Centre - Zibersegurtasun Euskal Zentroa

Bufferraren gainezkatzea Delta Electronics-en Industrial Automation TPEditor-en

Argitalpen data: 2018/05/18

Garrantzia: Handia

Kaltetutako baliabideak:

  • Delta Industrial Automation TPEditor, 1.89 eta lehenagoko bertsioak.

Azalpena:

ThePotato izenaz ezaguna den ikerlariak, Trend Micro-ren Zero Day Initiative-rekin (ZDI) lankidetzan, bufferraren gainezkatze erako ahultasuna aurkitu du Delta Electronics-en Industrial Automation TPEditor programazio softwarean. Erasotzaile batek bufferrak gainezka egitea eragin lezake, eta horrekin kodea urrutitik exekuta lezake.

Konponbidea:

Delta Electronicsek lanean dihardu bertsio berri bat prest izateko ahultasun hau gainditzearren. Bitartean, sarbideak mugatzea aholkatzen du, eta soilik fitxategi egiaztatuak erabiltzea.

Xehetasuna:

Industrial Automation TPEditor programak duen fitxategiak kudeatzeko modu okerrak bufferraren gainezkatzea eragin dezake. Sarbidea lukeen erasotzaile batek egoera hori balia lezake bereziki diseinatutako fitxategi baten bitartez, eta horrek kodea urrunetik exekutatzea ahalbidetuko lioke. Ahultasun horretarako CVE-2018-8871 kodea erreserbatu da.

Etiketak: 0day, Ahultasuna