Basque Cyber Security Centre - Zibersegurtasun Euskal Zentroa

Datu sentikorren zifratze falta Medtronic-en CareLink eta Encore produktuetan

Argitalpen data: 2018/12/14

Garrantzia: Ertaina

Kaltetutako baliabideak:

  • CareLink 9790 Programmer, bertsio guztiak.
  • CareLink 2090 Programmer, bertsio guztiak.
  • 29901 Encore Programmer, bertsio guztiak.

Azalpena:

Whitescope LLCko Billy Rios eta Jonathan Butts ikertzaileek datu sentikorren zifratze faltaren erako ahultasun bat aurkitu dute. Datu horiek osasun informazio babestua edo informazio pertsonal identifikagarria izan lezakete, eta ahultasuna baliatuz gailura sarbide fisikoa lukeen erasotzaile batek informazio hori irakur lezake.

Konponbidea:

  • CareLink 9790 Programmer gailua zaharkitua dago, eta Medtronic-ek gomendatzen du gehiago ez erabiltzea. Gainera, CareLink 2090 Programmer eta 29901 Encore Programmer-en kasuan konpainiak aholkatzen du osasun informazioa eta informazio pertsonala ahalik eta denborarik laburrenean gordetzea gailu horietan. Era berean, segurtasun buletin bat argitaratu du ohartarazpen hau dela eta.

Xehetasuna:

  • Urruneko erasotzaile batek datu sentikorren zifratze falta balia lezake gailu ezberdinetan gordeta dagoen osasun informazioa eta informazio pertsonala eskuratzeko. Ahultasun horretarako CVE-2018-18984 identifikatzailea erreserbatu da.
Etiketak: Azpiegitura kritikoak, Ahultasuna