Basque Cyber Security Centre - Zibersegurtasun Euskal Zentroa

Argitalpen data: 2018/07/27

Garrantzia: Kritikoa

Kaltetutako baliabideak:

LeviStudioU

Azalpena:

Nfocuseko segurtasun ekipoak eta Trend Microko Zero Day Initiativeko Mat Powell ikertzaileak bufferraren gainezkatze erako hainbat ahultasunen berri eman dute, Wecon fabrikatzailearen LeviStudioU softwareari eragiten diotenak. Ahultasun horiek baliatuz erasotzaile batek urrunetik kodea exekuta lezake administratzaile baimenekin.

Konponbidea:

Une honetan ez dago inolako arintze edo konponbiderik ahultasun horietarako.

Kaltetutako softwarea erabiltzen duten gailuak isolatzea eta horietarako sarbideak kontrolatzea gomendatzen da.

Gainera, kaltetutako baliabideak babesteko ondokoa gomendatzen da:

• Kontrol gailu edota sistema guztien arriskua murrizten laguntzearren, suebakien atzean kokatzea gomendatzen da, eta gailuek edota sistemek Interneterako sarbiderik ez dutela egiaztatzea.
• Kontrol sareak eta gailu industrialak sare korporatiboetatik bereiztea.
• Urruneko sarbidea beharrezkoa denean, Virtual Private Networks (VPN) moduko segurtasun mekanismoak erabiltzea.

Xehetasuna:

Fitxategi batzuek, UMP, HSC edo HGCM bezalakoak, dauzkaten hainbat eremutan ez dute luzeraren tratamendu zuzena egiten. Egoera horrek bufferraren gainezkatzea eragiten du. Beste fitxategi zehatzago batzuk, UserMgr.xml, TTS.xml edo UserManage.exe bezalakoek eta abarrek ere, arazoak dauzkate bai parametroak eta bai dauzkaten beste elementu batzuk kudeatzerakoan.

Zero Day Initiativek  ZDI-18-784tik ZDI-18-873ra bitarteko identifikatzaileak erabili ditu ahultasun kritiko hauetarako.

Etiketak: 0day, Ahultasuna