Basque Cyber Security Centre - Zibersegurtasun Euskal Zentroa

Argitalpen data: 2020/02/13

Garrantzia: Kritikoa

Kaltetutako baliabideak:

• Moxa OnCell G3470A-LTE Series, firmware-aren 1.6 edo lehenagoko bertsioak.
• Moxa OnCell G3100-HSPA Series, firmware-aren bertsio hauek: 
• • 1.4 edo lehenagokoak, CVE-2018-11420, CVE-2018-11423 eta CVE-2018-11424 identifikatzaileak dituzten ahultasunetarako;
  • 1.7 edo lehenagokoak, CVE-2018-11426, CVE-2018-11427, CVE-2018-11421 eta CVE-2018-11422 identifikatzaileak dituzten ahultasunetarako.

Azalpena:

Kaspersky Lab-eko Alexander Zaytsev-ek Moxa-ren OnCell G3470A-LTE Series eta OnCell G3100-HSPA produktuei eragiten dieten era hauetako hainbat ahultasunen berri eman dute: eragiketen murrizpen desegokia, baliabideen kontrolik gabeko kontsumoa, NULL erakuslearen deserreferentzia, autentifikazio desegokia, CSRF, informazioaren hedapena eta sarbidearen kontrol desegokia.

Konponbidea:

• OnCell G3470A-LTE Series-en kasuan, produktuaren firmware-aren azken bertsioa deskargatzea.
• OnCell G3100-HSPA Series-en kasuan
• • produktuaren firmware-aren azken bertsioa deskargatzea, CVE-2018-11420, CVE-2018-11423, CVE-2018-11424, CVE-2018-11426 eta CVE-2018-11427 identifikatzaileak dituzten ahultasunak konpontzeko;
  • puntutik punturako VPN soluzioak bezalako segurtasun neurriak gehitzea, soilik kaltetutako produktuan OnCell Search Utility eta OnCell Central Manager funtzionaltasunak aktibatuta daudenean, CVE-2018-11421 eta CVE-2018-11422 identifikatzaileak dituzten ahultasunak konpontzeko.

Xehetasuna:

Erasotzaile batek ohartarazpen honetan azaldutako ahultasun kritikoetako bat balia lezake honako ekintza hauetakoren bat egin ahal izateko:

• zerbitzuaren ukapena,
• kodearen urruneko exekuzioa,
• autentifikazio parametroen aurkako indar hutseko erasoak,
• web interfazearen bidez ekintza administratiboak ordeztea,
• informazio sentikorra eskuratzea,
• konfigurazioak aldatzea eta firmware-a igotzea.

Honako identifikatzaile hauek esleitu dira: CVE-2018-11420, CVE-2018-11421, CVE-2018-11422, CVE-2018-11423, CVE-2018-11424, CVE-2018-11425, CVE-2018-11426 eta CVE-2018-11427.

Etiketak: Eguneraketa, Komunikazioak, Ahultasuna