Basque Cyber Security Centre - Zibersegurtasun Euskal Zentroa

Hainbat ahultasun AVEVAren InduSoft Web Studio eta InTouch Edge HMIn

Argitalpen data: 2018/11/02

Garrantzia: Kritikoa

Kaltetutako baliabideak:

  • InduSoft Web Studio, 8.1 SP2 baino lehenagoko bertsio guztiak
  • InTouch Edge HMI (lehen InTouch Machine Edition), 2017 SP2 baino lehenagoko bertsio guztiak

Azalpena:

Tenablek bufferraren gainezkatze erako eta konfigurazio fitxategian pasahitzaren gabezia erako ahultasunen berri eman du. Ahultasun horiek arrakastaz baliatuz gero, erasotzaile batek urrunetik kodea exekuta lezake.

Konponbidea:

AVEVAk kaltetutako erabiltzaileei gomendatzen die InduSoft Web Studio eguneratzea 8.1 SP2 bertsiora eta InTouch Edge HMi eguneratzea 2017 SP2 bertsiora. Eguneraketa horiek Global Customer Support-eko Software Download ataletik jaits daitezke, edo bestela ondoko loturen bidez:

Xehetasuna:

  • Bufferrak gainezka egitea: urruneko erasotzaile batek bereziki diseinatutako pakete bat bidal lezake eta horren bitartez bufferrak gainezka egitea eragin lezake etiketekin, alarmekin edo gertaerekin zerikusia duten ekintzen unean, irakurketak edo idazketak esate baterako, eta kodea exekutatzera ere irits liteke. InduSoft Web Studion ez bada gaitu urruneko komunikazioen segurtasuna edo pasahitza erabiltzen ez bada, prozesu arbitrario bat deitzeko bereziki diseinatutako pakete bat bidal lezake erasotzaile batek, eta kodea exekutatzera ere irits liteke. Exekutatzen ari den InduSoft Web Studio edo InTouch Edge HMIren prozesuaren pribilegioekin exekutatuko litzateke kode hori eta bi ekipoak arriskuan jar litzake. Ahultasun horretarako CVE-2018-17916 identifikatzailea erabili da.
  • Pasahitz gabezia konfigurazio fitxategian: ahultasun hau baliatuz autentifikaziorik gabeko urruneko erasotzaile batek kodea exekuta lezake urrunetik, exekutatzen ari den InduSoft Web Studio edo InTouch Edge HMIren prozesuaren pribilegio berdinekin. Ahultasun horretarako CVE-2018-17914 identifikatzailea erabili da.
Etiketak: Eguneraketa, Ahultasuna