Basque Cyber Security Centre - Zibersegurtasun Euskal Zentroa

Argitalpen data: 2018/07/11

Garrantzia: Handia

Kaltetutako baliabideak:

• Compass, 3.0.5.1 bertsioa eta aurrekoak
• AcSELerator Architect, 2.2.24.0 bertsioa eta aurrekoak (ICD package 2.38.0 bertsioa)

Azalpena:

Applied Risk-eko Gjoko Krstic ikertzaileak hainbat eratako ahultasunak identifikatu ditu Schweitzer Engineering Laboratories-en (SEL) Compass eta AcSELerator Architect produktuetan: baimen desegokiak, murrizpen desegokia entitateekiko erreferentzietan eta baliabideen kontrolik gabeko kontsumoa. Ahultasun horiek pribilegioen eskalatzea edo zerbitzuaren ukapena eragin lezakete.

Konponbidea:

• SEL Compass v3.0.6.1 edo ondorengoen kasuan, ondoko loturan eskuragarri dagoen eguneraketa ezarri:  https://selinc.com/products/compass/#tab-downloads
• SEL AcSELerator v2.2.29.0 (ICD 2.44.0) edo ondorengoen kasuan, ondoko loturan eskuragarri dagoen eguneraketa ezarri: https://selinc.com/products/5032/#tab-downloads

Xehetasuna:

• Lehenetsitako baimen okerrak baliatuz erasotzaile batek sarbide osoa izan lezake Compassen direktorioetara, eta Compassen instalazio direktorioko fitxategiak alda edo gainidatz litzake. Horrela pribilegioen eskalatzea lor lezake eta kode gaiztoa exekutatu. Ahultasun horretarako CVE-2018-10604 identifikatzailea erreserbatu da.
• Kanpoko XML entitateei (XXE) egindako erreferentzietarako murrizpen desegokien ondorioz, erasotzaile batek AcSELerator Architecten XML parser-ari emandako sarrera ez egiaztatuak balia litzake datu arbitrarioak zabaltzea lortzeko, kode arbitrarioa exekutatzeko edo ukapen egoerak sortzeko. Ahultasun horretarako CVE-2018-10600 identifikatzailea erreserbatu da.
• Baliabideen kontrolik gabeko kontsumoa baliatuz, erasotzaile batek AcSELerator Architect-en FTP bezeroa erabil lezake zerbitzari gaizto batera konektatzeko. Horrek CPUaren erabileraren %100eko kontsumoa eragin lezake eta zerbitzuaren ukapen egoera eragin. Zerbitzua berrezartzeko beharrezkoa da aplikazioa berrabiatzea. Ahultasun horretarako CVE-2018-10608 identifikatzailea erreserbatu da.

Etiketak: Eguneraketa, Ahultasuna