Basque Cyber Security Centre - Zibersegurtasun Euskal Zentroa

Hainbat ahultasun EZAutomation-en produktuetan

Argitalpen data: 2019/08/13

Garrantzia: Handia

Kaltetutako baliabideak: 

  • EZTouch Editor.
  • EZPLC.

Azalpena: 

9sg Security Team-eko ekipoak bufferraren gainezkatze erako eta fitxategien analisian gertatutako memoriaren hondatze erako hainbat ahultasunen berri eman du. Horiek baliatuz urruneko erasotzaile batek kode arbitrarioa exekuta lezake EZTouch Editor eta EZPLCren instalazio ahuletan.

Konponbidea: 

Ahultasunaren izaera kontuan izanik, arintze estrategia bakarra aplikazioarekiko interakzioa murriztea da.

Xehetasuna: 

  • Erabiltzaileak EZC fitxategietan emandako datuen baliozkotze okerrak memoriaren hondatze egoera sortzen du. Hori baliatuz urruneko erasotzaile batek kodea exekuta lezake oraingo prozesuaren testuinguruan EZPLC produktuaren instalazioetan. Beste erabiltzaile baten interakzioa beharrezkoa da, asmo gaiztoko orrialde batera sar dadin edo asmo gaiztoko fitxategi bat ireki dezan.
  • EZC fitxategietan, erabiltzaileak emandako datuak bufferrean kopiatu baino lehen horien tamainaren baliozkotze okerra baliatuz, urruneko erasotzaile batek kodea exekuta lezake oraingo prozesuaren testuinguruan EZTouch Editor produktuaren instalazioetan. Beste erabiltzaile baten interakzioa beharrezkoa da, asmo gaiztoko orrialde batera sar dadin edo asmo gaiztoko fitxategi bat ireki dezan.

Etiketak: 0day, Ahultasuna