Basque Cyber Security Centre - Zibersegurtasun Euskal Zentroa

Hainbat ahultasun Siemensen produktuetan

Argitalpen data: 2018/09/12

Garrantzia: Kritikoa

Kaltetutako baliabideak:

  • TD Keypad Designer, bertsio guztiak
  • SIMATIC WinCC OA, 3.14 eta lehenagoko bertsioak
  • SCALANCE X300, 4.0.0 bertsioa baino lehenagoko guztiak
  • SCALANCE X408, 4.0.0 bertsioa baino lehenagoko guztiak
  • SCALANCE X414, bertsio guztiak

Azalpena:

Siemensek bere produktuei eragiten dieten hainbat ahultasun identifikatu ditu. Horiek baliatuz urruneko erasotzaile batek pribilegioak eskalatzea edo zerbitzuaren ukapen egoera sortzea lor lezake.

Konponbidea:

Siemensek hainbat konponbideren berri eman du, kaltetutako gailuaren arabera.

Xehetasuna:

  • SIEMENS TD Keypad Designer gailuak DLLren bahiketa erako ahultasuna dauka. Hori baliatuz erasotzaile batek kodea exekuta lezake aplikazioa erabiltzen ari den erabiltzailearen baimenekin. Erasotzaileak idazketa baimenak izan behar ditu TDren proiektuen direktorioaren gainean, eta erabiltzaile legitimo batek erasotzailearen proiektua erabili beharra dauka. Ahultasun horretarako CVE-2018-13806 identifikatzailea erreserbatu da.
  • 5678/TCP atakarako sarbidea ez dago modu egokian kontrolatuta. Horren ondorioz, autentifikaziorik gabeko urruneko erasotzaile batek pribilegioen eskalatzea lor lezake SIMATIC WinCC OAn. Ahultasun horretarako CVE-2018-13799 identifikatzailea erreserbatu da.
  • Erasotzaile batek 443/TCP atakan argitaratutako web interfazea balia lezake zerbitzuaren ukapena eragiteko, web zerbitzarira bereziki manipulatutako eskaerak bidaliz. SCALANCE gailua automatikoki berrabiatzen da, sarearen eskuragarritasunari eraginez. Ahultasun horretarako CVE-2018-13807 identifikatzailea erreserbatu da.
Etiketak: Eguneraketa, Komunikazioak, Siemens, Ahultasuna