Basque Cyber Security Centre - Zibersegurtasun Euskal Zentroa

Argitalpen data: 2019/12/17

Garrantzia: Kritikoa

Kaltetutako baliabideak:

• Series PFC100 (750-81xx/xxx-xxx).
• Series PFC200 (750-82xx/xxx-xxx).
• 750-852, 750-831/xxx-xxx, 750-881, 750-880/xxx-xxx, 750-889.
• 750-823, 750-832/xxx-xxx, 750-862, 750-890/xxx-xxx, 750-891

Azalpena:

Cisco Talos-eko Kelly Leuschner-ek WAGOren gailuei eragiten dieten 9 ahultasunen berri eman du, 8 larritasun kritikokoak eta bat kritikotasun ertainekoa. Ahultasun horiek arrakastaz baliatuz gero urruneko erasotzaile batek gailuaren konfigurazioa manipulatu lezake edo bere oinarrizko funtzioak aldatu, aldatutako IP paketeen bidez. Horrela gailuaren kontrola har liteke.

Konponbidea:

• WAGOk ondoko ekintzak egitea gomendatzen du: 
  • Gailuen firmwarea 15. bertsiora edo berriago batera eguneratzea.
  • 6626 ataka desgaitzea gailuaren hasierako instalazioaren eta konfigurazioaren ondoren, prozesu horietan soilik erabiltzen baita.

Xehetasuna:

Ondoren zehazten da zein diren ahultasun kritikoak. Horiek baliatuz urruneko erasotzaile batek ondoko ekintzak egin litzake:

• Bufferraren gainezkatzea. Ahultasun horietarako CVE-2019-5079, CVE-2019-5081 eta CVE-2019-5082 identifikatzaileak erreserbatu dira.
• Funtzio kritikoetarako ez autentifikatzea. Ahultasun horietarako CVE-2019-5077, CVE-2019-5078 eta CVE-2019-5080 identifikatzaileak erreserbatu dira.
• Bufferrera sarbidea tamainaren balio okerrarekin. Ahultasun horietarako CVE-2019-5074 eta CVE-2019-5075 identifikatzaileak erreserbatu dira.

Kritikotasun ertaineko ahultasuna baliatuz urruneko erasotzaile batek informazioa ezagutzera eman lezake datuak bidaliz. Ahultasun horretarako CVE-2019-5073 identifikatzailea erreserbatu da.

Etiketak: Eguneraketa, Ahultasuna