Basque Cyber Security Centre - Zibersegurtasun Euskal Zentroa

Argitalpen data: 2018/08/20

Garrantzia: Handia

Kaltetutako baliabideak:

• ESP-200 routerra, 1.2.0 bertsioa

Azalpena:

Kaspersky Lab ICS-CERTeko Alexander Nochvay eta Andrey Muravitsky-k hainbat eratako ahultasun batzuen berri eman dute: komandoen injekzioa, konfigurazio ez-seguruak, pasahitz lehenetsiak eta informazioaren hedapena. Ahultasun horiek arrakastaz baliatuz gero erasotzaile batek hainbat ekintza egin litzake: pribilegioen eskalatzea, kode arbitrarioa exekutatzea, erasoaren azalera zabaltzea edo informazioa hedatzea.

Konponbidea:

• Firmwarearen 1.3.0 bertsiora eguneratzea gomendatzen da.

Xehetasuna:

• Lehenetsitako pasahitzak erabiliz, autentifikaziorik gabeko erasotzaile batek administratzaile saioa has lezake gailuan. Ahultasun horretarako CVE-2018-15360 identifikatzailea erabili da.
• Pribilegio baxuekin autentifikatutako erasotzaile batek sudoren konfigurazio ez-seguru bat balia lezake erasoaren azalera zabaltzeko. Ahultasun horretarako CVE-2018-15359 identifikatzailea erabili da.
• Pribilegio baxuekin autentifikatutako erasotzaile batek pribilegio altuko erabiltzaile bat aktiba lezake eta erasoaren azalera handitzeko erabili. Ahultasun horretarako CVE-2018-15358 identifikatzailea erabili da.
• Pribilegio baxuekin autentifikatutako erasotzaile batek informazioa eskura lezake erabiltzaile bakoitzaren pasahitza dagoen hashetik. Ahultasun horretarako CVE-2018-15357 identifikatzailea erabili da.
• Autentifikatutako erasotzaile batek kode arbitrarioa exekuta lezake komandoen injekzioaren bidez. Ahultasun horretarako CVE-2018-15356 identifikatzailea erabili da.