Basque Cyber Security Centre - Zibersegurtasun Euskal Zentroa

Argitalpen data: 2020/05/15

Garrantzia: Kritikoa 

Kaltetutako baliabideak: 

Opto 22 SoftPAC Project, 9.6 eta lehenagoko bertsioak.

Azalpena: 

Claroty-ko Mashav Sapir-ek 5 ahultasunen berri eman dio CISAri, 2 larritasun kritikokoak eta beste 3 ertainekoak. Honako era hauetakoak dira: fitxategi izenaren edo bidearen kanpo kontrola, sinadura kriptografikoaren egiaztapen okerra, sarbidearen kontrol okerra, kontrolatu gabeko bilaketa bidearen elementua, eta baimentze okerra.

Konponbidea: 

Ahultasun horiek konpontzeko Opto 22-k PAC Project-en 10.3 bertsioa argitaratu du, PAC Project Professional eta PAC Project Basic-erako eskuragarri dagoena.

Xehetasuna: 

• SoftPAC-en firmware-a eguneratzeko erabiltzen diren zip fitxategien barnean zehazten diren bideak ez dira sanitizatzen. Ondorioz, erabiltzaile pribilegioak dituen erasotzaile batek sarbide arbitrarioa eskura lezake sistemarako sarbidea duten fitxategietan idazteko. Ahultasun horretarako CVE-2020-12042 identifikatzailea erabili da.
• SoftPAC-en firmware-aren fitxategietako sinadurak ez dira egiaztatzen firmware horren eguneraketarekin. Hori baliatuz erasotzaile batek firmware fitxategi zilegizkoak ordezka litzake asmo gaiztoko fitxategiekin. Ahultasun horretarako CVE-2020-12046 identifikatzailea erabili da.
• 22000 ataka murrizpenik gabe dago irekita. Hori baliatuz sarera sarbidea lukeen erasotzaile batek SoftPACAgent zerbitzua kontrola lezake, SoftPACAgent-en firmware-aren eguneraketa barne, zerbitzua abiarazi edo gelditu lezake, edo erregistroko balio jakin batzuetan idatzi. Ahultasun horretarako CVE-2020-10612 identifikatzailea erabili da.
• Erasotzaile batek DLL fitxategiak ordezka litzake eta kodea exekutatu SoftPAC zerbitzua abiatzen den bakoitzean, fitxategi horietako hainbatetan inportazio bidea ez baita zehazten. Ahultasun horretarako CVE-2020-10616 identifikatzailea erabili da.
• Sarera sarbidea lukeen erasotzaile bat zuzenean komunikatu liteke SoftPAC-ekin, PLC honek ez baitu inolako kredentzial motarik bere komunikazioetan. Ahultasun horretarako CVE-2020-10620 identifikatzailea erabili da.

Etiketak: Eguneraketa, Azpiegitura kritikoak, Ahultasuna