Basque Cyber Security Centre - Zibersegurtasun Euskal Zentroa

Argitalpen data: 2019/12/19

Garrantzia: Altua

Kaltetutako baliabideak:

• 7.x,
• 8.8.x,
• 8.7.x

Azalpena:

Drupal-en segurtasun ekipoak hainbat ahultasun aurkitu ditu core-an. Horiek baliatuz, erasotzaile batek zerbitzuaren ukapen egoera eragin lezake, .htaccess fitxategiaren babesak saihestu, edo babestutako multimedia elementuetara sarbidea lortu, besteak beste.

Konponbidea:

7.69, 8.8.1 eta 8.7.11 bertsioetara eguneratzea.

Xehetasuna:

• Larritasun altuko hainbat ahultasun daude Drupal konfiguratuta dagoenean .tar, .tar.gz, .bz2 edo .tlz fitxategiak kargatzeko eta prozesatzeko. Horien jatorria da hirugarrenen Archive_Tar liburutegiak duen ahultasun bat.
• Multimedia liburutegiaren moduluak ez du aski murrizten multimedia elementuetarako sarbidea zenbait konfiguraziotan.
• Drupal 8ren nukleoaren file_save_upload() funtzioak ez du ezabatzen hasierako eta amaierako puntua ('.') fitxategien izenetatik. Ekarpen modura gehitutako moduluekin edozein luzapeneko fitxategiak igotzeko gaitasuna duten erabiltzaileek ahultasun hau balia dezakete .htaccess bezalako sistema fitxategiak igotzeko, horrela saihestuz Drupal-en .htaccess lehenetsitako fitxategiak eskaintzen dituen babesak.
• install.php fitxategira sartzeak eragin dezake cacheko datuak hondatzea eta ataria eraginda gelditzea horiek berreraiki bitartean.

Etiketak: Eguneraketa, CMS, Ahultasuna