Basque Cyber Security Centre - Zibersegurtasun Euskal Zentroa

Hainbat ahultasun IBMren produktuetan

Argitalpen data: 2018/11/08

Garrantzia: Handia

Kaltetutako baliabideak:

  • IBM Db2ren edizioen  fix pack-en maila guztiak, 9.7, 10.1, 10.5 eta 11.1 bertsioak plataforma guztietan, Windowsen salbu, horrek ez baitu kalterik jasan.
  • IBM Data Science Experience Local, 1.1.0, 1.1.1, 1.1.2, 1.1.3 eta 1.2.0 bertsioak

Azalpena:

IBMk larritasun altuko 3 ahultasun aurkitu ditu, bi IBM Db2n, pribilegioen eskalatze erakoak, eta bat IBM Data Science Experience Local-en, pasahitz barneratuak erabiltzearen erakoa.

Konponbidea:

IBMk kaltetutako produktuak bere deskargen zentrotik eguneratzea aholkatzen du.

Xehetasuna:

  • Linux, UNIX eta Windowserako IBM DB2ren bitarrek (DB2 Connect Server barne) liburutegi partekatuak kargatzen dituzte fidagarria ez den bide batetik. Horrek pribilegio murritzeko erabiltzaileei DB2ko instantziako kontura sarbide osoa eman liezaieke, partekatutako liburutegi gaizto bat kargatzean. Ahultasun horretarako CVE-2018-1802 identifikatzailea erreserbatu da.
  • IBM Data Science Experience Local Hadoop Integration-en zerbitzarira sartzeko erabiltzen den gako pribatuaren ziurtagirirako pasahitza barneratuta dago.
  • Lotura sinbolikoei egindako hainbat eraso baliatzen dituen pribilegioen eskalatze baten aurrean ahultasunak ditu Db2k. Horrek Db2 instantziaren jabeari edo DASen jabeari aukera emango lioke root sarbidea lortzeko. IBM DB2k pribilegiorik gabeko erabiltzaile lokal bati sisteman fitxategiak gainidazteko aukera eman liezaioke, eta horrek datu basean kalteak eragin litzake. Ahultasun horretarako CVE-2018-1799, CVE-2018-1780, CVE-2018-1781 eta CVE-2018-1834 identifikatzaileak erreserbatu dira.
Etiketak: Eguneraketa, IBM, Ahultasuna