Basque Cyber Security Centre - Zibersegurtasun Euskal Zentroa

Hainbat ahultasun F5en produktuetan

Argitalpen data: 2018/05/31

Garrantzia: Handia

Kaltetutako baliabideak:

  • BIG-IP (LTM, AAM, AFM, Analytics, APM, ASM, DNS, Edge Gateway, FPS, GTM, Link Controller, PEM, WebAccelerator, WebSafe), 13.0.0tik 13.1.0ra bitarteko bertsioak, 12.1.0tik 12.1.3ra bitartekoak, 11.6.0tik 11.6.3ra bitartekoak eta 11.2.1etik 11.5.5era bitartekoak

Azalpena:

F5ek hainbat ahultasun argitaratu ditu. Horietako bat larritasun altukoa da eta hori baliatuz erasotzaile batek lor lezake zerbitzuaren ukapen edo degradazio egoera sortzea, pribilegioen eskalatzea, XSS erasoak, datuen baimenik gabeko agerpena edo BADoS (Behavioral DoS) babeseko akats bat baliatzea.

Konponbidea:

Kaltetutako produktua erreferentzien sekzioan (ikusi beherago) dauden loturetako tauletan adierazitako bertsiora eguneratzea (Fixes introduced in zutabea). Ez da argitaratu behin-behineko konponbiderik inongo ahultasunetarako; beraz, ahultasunak konpontzeko modu bakarra kaltetutako produktua eguneratzea da.

Xehetasuna:

Ondoren zehazten da larritasun altuko ahultasuna:

  • Oker osatutako TLS paketeek negoziazio fasean eragin lezakete TMMak (Traffic Management Microkernel) funtzionatzeari uztea, kaltetutako produktuetan zerbitzuaren ukapen egoera sortuz. Ahultasun hau baliatu ahal izateko, datuen azpisisteman (data plane) Proxy SSL konfigurazio bat egon beharko luke gaituta. Ahultasun honek ez lioke eragingo kudeaketa azpisistemari (control plane). Ahultasun horretarako CVE-2018-5513 identifikatzailea erabili da.

Gainerako ahultasunetarako honako identifikatzaileak erreserbatu dira: CVE-2017-6153, CVE-2018-5523, CVE-2018-5521, CVE-2018-5525, CVE-2018-5526 eta CVE-2018-5524.

Etiketak: Eguneraketa, Vulnerabilidad