Basque Cyber Security Centre - Zibersegurtasun Euskal Zentroa

Man-in-the-middle erako ahultasuna Samba-n

Argitalpen data: 2019/05/14

Garrantzia: Handia 

Kaltetutako baliabideak:

  • Samba 4.0z geroztikako bertsio guztiak.
  • Heimdal-en bertsio guztiak, 0.8z geroztik eta 7.5.0 barne, eta Heimdal-en bertsio horiek erabiliz sortzen den KDC (Key Distribution Center) bat bidaltzen duen edozein produktu ere.

Azalpena:

Barneratutako KDC Heimdal-en handler S4U2Self-en egiten den checksum-aren baliozkotzeak ez du hasieran konfirmatzen checksum-a deszifratuta egotea, eta horrela ahalbidetzen da eskatutako xede nagusia (bezeroa) ordeztea.

Konponbidea:

  • Ahultasun honi buruzko partxeak argitaratu dira Sambaren deskarga zentroan. Horrez gain, Sambaren 4.8.12, 4.9.8 eta 4.10.3 bertsioak argitaratu dira, akatsa konpontzeko segurtasun partxe modura. Sambaren administratzaileei aholkatzen zaie bertsio horietara eguneratzea edo partxea lehenbailehen aplikatzea.

Xehetasuna:

  • Akats bat dago Sambaren Active Directory (AD) Domain Controller-en (DC), Heimdalen KDCn. Eskatzen den segurtasun entitatea aldaketetatik babesteko Heimdal KDC-k S4U2Self paketean zerbitzariak kokatzen duen checksuma egiaztatzen duenean, ez du egiaztatzen eskarian erabiltzaile izena babesten duen checksum algoritmoa zifratuta ote dagoen. Egoera honek man-in-the-middle erako eraso bat egitea ahalbidetzen du. Horren bitartez eskaria atzeman eta alda daiteke, eskariaren erabiltzaile izena aldatuz eta KDCn dagoen beste edozein erabiltzaileren izenarekin ordeztuz. Ahultasun horretarako CVE-2018-16860 identifikatzailea erreserbatu da.

Etiketak: Eguneraketa, Komunikazioak, Samba, Ahultasuna