Basque Cyber Security Centre - Zibersegurtasun Euskal Zentroa

Ahultasunak Texas Instruments-en Bluetooth LE txipetan

Argitalpen data: 2018/11/02

Garrantzia: Kritikoa

Kaltetutako baliabideak:

Hainbat fabrikatzaile izan dira kaltetuak, horien artean Texas Instruments, Cisco, Meraki edo Aruba.

Erreferentziak atalean kaltetutako fabrikatzaile eta produktuen zerrenda lor daiteke. Xehetasun gehiagotarako zure hornitzailearekin harremanetan jarri.

Azalpena:

Armis segurtasun konpainiak Texas Instruments-en BLE (Bluetooth Low Energy) txipek dituzten bi ahultasunen berri eman du. Ahultasun horiek hainbat fabrikatzaileri eragiten diete, txipak beren soluzioetan integratzen dituztenak. Ahultasun horiei Bleeding Bit izena eman zaie. Horiek baliatuko lituzkeen erasotzaile bat kaltetutako gailuen kontrola hartzera irits liteke, sare korporatiboetan sartuko litzateke detektatua izan gabe, eta hortik ekintza gaiztoak egin litzake beste ekipo batzuetan.

Konponbidea:

Texas Instruments-ek Bluetooth LE protokoloaren pilaren 2.2.2 bertsioa argitaratu du, ahultasun horren partxe modura. Kaltetutako gailuek pilaren bertsio eguneratua duen firmwarera eguneratu beharko dira. Erreferentziak atala kontsultatu zure fabrikatzaileari buruzko informazio gehiago lortzeko.

Xehetasuna:

  • Kodearen urruneko exekuzioaren erako ahultasuna (CVE-2018-16986): kaltetutako gailutik gertu dagoen erasotzaile batek bereziki diseinatutako paketeak bidal litzake, eta gailuaren erabateko kontrola hartzera irits liteke.
  • Kodearen urruneko exekuzioaren erako ahultasuna (CVE-2018-7080): bigarren ahultasun horren arrazoia BLE txipetan nahita sartutako atzeko ate bat da, firmwarearen Over the Air (OAD) eguneraketak baimentzeko. Trafikoa harrapatuz edo firmwarearen gainean alderantzizko ingeniaritza erabiliz, OAD prozesurako erabilia izan den barneratutako pasahitza lortuko lukeen erasotzaile batek kode gaiztoa lukeen firmwarea karga lezake gailuan. Kasu horretan, gailuaren gaineko erabateko kontrola lortzera ere irits liteke.
Etiketak: Eguneraketa, Ahultasuna