Basque Cyber Security Centre - Zibersegurtasun Euskal Zentroa

OpenPGP eta S/MIME-ren posta bezeroetan ahultasunak

Argitalpen data: 2018/05/15

Garrantzia: Handia

Kaltetutako baliabideak:

OpenPGP eta S/MIMEren inplementazio gehienak posta bezero ezagunenetan.

Azalpena:

OpenPGP eta S/MIME erabiltzen duten posta elektronikoko bezeroek mezu zifratuetan informazio ihesa izan dezakete biktimaren posta bezeroak HTML edukia prozesatzeko aukera baldin badu.

Konponbidea:

Une honetan ez dago konponbiderik ahultasun horietarako, baina neurri batzuk har daitezke kalteak murrizteko:

  • Mezuak posta bezerotik kanpora deszifratu. Posta elektronikoko bezerotik independentea den aplikazio bat erabiliz lortzen da hark informazio ihesik ez izatea.
  • HTML formatuan aurkeztea desgaitzea. Posta bezeroak edukia HTML formatuan ez badu erakusten, informazio ihesaren bide nagusia saihesten da.
  • Urruneko edukiaren karga desgaitzea. Posta bezeroak urruneko edukia kargatzen ez badu, informazio ihesaren bide nagusia saihesten da.

Xehetasuna:

Hainbat ikerlarik aurkitu dutenez, OpenPGP edo S/MIME estandarrak erabiltzen dituzten posta elektronikoko bezeroek ahalbidetu dezaketela erasotzaile batek HTML edukia injektatzea. Horrek informazioaren iheserako bide modura balio dezake, izan ere, HTML kodea interpretatzean bezeroak testu laua bidal dezake egindako HTTP eskaeretan.

Gainera, MIME parte anizkunak isolatzen ez dituzten posta bezeroek ahalbidetu dezakete erasotzaile batek HTML etiketak kapsulatzea. Horiek deszifratutakoan, URLan testu laua kateatu liteke eta informazio ihesa gerta liteke HTTP(S) eskaera egindakoan.

Ahultasun horietarako CVE-2017-17688 eta CVE-2017-17689 identifikatzaileak erreserbatu dira.

Etiketak: Komunikazioak, Posta elektronikoa, Ahultasuna