Cookien konfigurazioa

Cookie teknikoak

Aktiboak
Ikusi Cookiak

Erabiltzaileari web-orriaren bidez nabigatzeko eta bertan dauden aukerak edo zerbitzuak erabiltzeko aukera ematen diotenak dira, editoreak web-orriaren kudeaketa eta operatiboa ahalbidetzeko eta haren funtzioak eta zerbitzuak gaitzeko erabiltzen dituenak barne.

Cookie analitikoak

Ez aktiboak
Ikusi Cookiak

Webgunearen erabiltzaileen portaeraren jarraipena eta azterketa egiteko aukera ematen diote horien arduradunari. Cookie mota horien bidez bildutako informazioa webgunearen jarduera neurtzeko erabiltzen da, zerbitzuaren erabiltzaileek egiten dituzten erabilera-datuen analisiaren arabera hobekuntzak sartzeko

COOKIE OHARRA

SPRIren jabetzako web orri honek bere cookieak eta hirugarrengoenak erabiltzen ditu nabigatzea ahalbidetzeko, informazio estatistikoa osatzeko, zure nabigazio-ohiturak aztertzeko eta horien araberako publizitatea zuri igortzeko xedez. Cookie guztien erabilera baimentzeko, Onartu aukeran klik egin dezakezu; bestela, zein cookie-mota onartu eta zeini uko egingo diozun hauta dezakezu Cookieak Konfiguratu aukeraren bitartez. Halaber, informazio gehiago jaso dezakezu gure Cookie Politikan.Cookieak KonfiguratuOnartu

Basque Cyber Security Centre - Zibersegurtasun Euskal Zentroa

Zibersegurtasunaren Europako hilabetea

BCSCk bat egin du 2020ko Zibersegurtasunaren Europako Hilabetearekin, ‘Think Before U Click’ goiburupean. Edizio honetan, zibersegurtasuna sustatzeko trebetasun digitalei emango zaie arreta bereziki.

2012tik ospatzen da, urrian, Zibersegurtasunaren Europako Hilabetea, sarean dauden mehatxuez kontzientzia sortzeko, herritarren eta antolakundeen artean zibersegurtasuna sustatzeko, eta trebakuntzaren eta jardunbide egokien trukearen bidez baliabideak eskaintzeko.

Europako Batzordearen arabera, gaur egun ez dago ezaupide eta trebetasun egokiak dituzten zibersegurtasun-aditu nahikorik, eta EBn eremu horretako 300.000 langile gehiago behar direla kalkulatzen da. Hala, trebetasun digitalen gaia aukeratu da ardatz gisa. .

Batzordeak eta EBko Zibersegurtasunaren Agentziak (ENISA) koordinatuta, eta Europako zein nazioarteko ehunka bazkideren laguntzaz, Zibersegurtasunaren Europako Hilabeteak bederatzigarren edizioa beteko du dozenaka ekitaldi eta jarduera dituen programa batekin, bi multzo nagusitan banatuta:

Trebetasun digitalak

Lehen bi asteetan, urriaren 1etik 16ra, programaren muina trebetasun digitalak izango dira. Egun horietan hainbat jarduera garatuko dira herritarrak Interneteko segurtasunaren arloan trebatzeko, batez ere pandemiaren ondorioz hiperkonektatuta dagoen agertoki berri honetan. Jorratuko diren gaien artean online pribatutasuna, datu pertsonalen babesa, jazarpen zibernetikoa eta sareko jardunbide egokiak daude, besteak beste.

Jarraian, gaur egungo egoeran zure zibersegurtasuna indartzeko oso baliagarriak izan daitezkeen infografien eta edukien bilduma bat ikusiko duzu.

Iruzur zibernetikoak

Ondoren, hirugarren eta laugarren asteetan, urriaren 17tik 31ra, iruzur zibernetikoen gaia jorratuko dira. Horretarako, eremu horretan gaur egun dauden mehatxuei emango diegu arreta, herritarrei nahiz enpresei arriskua gutxitzen laguntzeko. Kasu honetan ere garrantzia du COVID-19ak eragindako egoerak, oso gora egin baitute merkataritza elektronikoak eta online ordainketek.

Horretarako, interesgarriak izan daitezkeen eduki eta infografien bilduma eskaintzen dizugu:

*Gorabeheretarako aholkularitza: BCSCn zibersegurtasun-gertakariak kudeatzeko zerbitzua dugu, Euskadiko herritarren eta enpresen aurkako mehatxuei aurre egiteko eta haien inpaktua gutxitzeko helburua duena. Zibersegurtasunarekin zerikusia duen edozein zalantza edo arazo izatekotan, gurekin harremanetan jar zaitezke 900 104 891 doako telefonora deituz, edo mezu bat bidaliz [email protected] posta elektronikoko helbidera.